माओवादीको घोषणपत्र: भोक लाग्दा खाने अन्न छैन कमाई ३ हजार डलर रे!!

सबै पार्टीको घोषणापत्र हेर्दै थिएँ… माओवादीको घोषणापत्र हेरेर दंग परेँ ।

अबको १० वर्षमा नेपालीको प्रतिव्यक्ति आय अहिलेको झण्डै २८० डलरबाट बढाएर ३००० पुर्याउने रे । अनि अर्को हाँसो लाग्दो कुरा चाहि अबको ५ वर्षमा नेपालबाट अशिक्षा निर्मुल गर्ने रे । अब भोको पेटमा हाल्ने अन्न नभएको बेला कसलाई पढाईको चिन्ता लाग्नु ?? अब कामरेडहरुले त्यो लक्ष्य कसरी पुरा गर्ने हो त्यो त खोई थाहा भएन । कि त कुनै प्लान बनाएको भए पनि लुकाउनु भएको पो हो कि ?? पहिला गरिबी हटे पो अरु लक्ष्य पाउन सकिन्छ अनि गरिबी हटाउनलाई ठुलै कार्यक्रम चाहिन्छ । अब आफ्नो भागमा परेको मन्त्रालयका कार्यलयहरुमा आफ्नो मान्छे भर्ति गरेर मात्र गरिबी त हट्दैन होला पक्कै पनि ।

सपना देख्नु नराम्रो होइन तर यस्तो हावादारी सपना त कमसेकम देख्नु भनेको समय खेर फाल्नु होइन त ? लक्ष्य राख्नु नराम्रो होइन तर लक्ष्य राख्नु भनेर हावामा उड्नु पनि राम्रो चाहि पक्कै होइन…। कि कसो ???